சாய் பக்தர்களின் அனுபவங்கள் -20

நினைத்தவுடன் வந்து உதவிய ஹனுமான்

நான் அனுமான் பக்தை , நான் தினமும் அனுமன் சாலிசா படிப்பேன். அனுமன் சாலிசா குறித்து என்னுடைய அற்புதமான அனுபவத்தை இங்கு பகிர்ந்து கொள்ள விரும்புகிறேன். இந்த அனுபவம் எனக்கு 2014ம் ஆண்டு ஏற்பட்டது. நான் ஜே.எஃகே  விமான நிலையத்தில் இருந்து மும்பைக்கு செல்ல வேண்டும். விமானத்திற்கு ஏற்கனவே மிகவும் தாமதமாகிவிட்டது. நான் டெர்மினல் ஒன்றிலிருந்து ஏர் பிரான்ஸ் விமானத்தை பிடிக்க வேண்டும். டெர்மினல் ஒன்றுக்கு சென்ற பின்புதான் எனக்கு தெரிந்தது,நான் செல்ல வேண்டிய டெர்மினல், டெர்மினல் 3 என்பதும், நான் தவறாக டெர்மினல் ஒன்றிற்கு வந்துவிட்டேன் என்பதும் அப்போது தான் தெரிந்தது. செக்-இன் கவுண்டரை  இன்னும் பத்து நிமிடத்தில் மூடிவிடுவார்கள். டெர்மினல்  ஒன்றிலிருந்து டெர்மினல் மூன்று செல்ல கிட்டத்தட்ட அரைமணி நேரமாவது ஆகும். நான் இந்த விமானத்தை விட்டு விட்டால் நான் செலவு செய்த டிக்கெட் அனைத்தும் வீணாகிவிடும். டிக்கெட் பணத்தை நான் திரும்பப் பெற இயலாது. அதுமட்டுமன்றி கண்டிப்பாக மும்பைக்கு சென்றாக வேண்டிய கட்டாயம். என்னுடன் என்னுடைய 15 வயது மகளும் இருந்தாள். இந்த இக்கட்டான நேரத்தில் என்ன செய்வது என்று புரியாமல் மனதில் அனுமன் சாலிசாவை சொல்ல ஆரம்பித்தேன். ஹனுமான் என் கண்முன் நிற்பது போல் எண்ணி அவரிடம் பிரார்த்தனை செய்ய ஆரம்பித்தேன். இந்த இக்கட்டான சூழ்நிலையில் இருந்து என்னை காப்பாற்றும்படி அனுமனை மனதார வேண்டினேன். திடீரென ஒரு ஆப்ரிக்கர் நாட்டவர்  என்னிடத்தில் வந்து என்ன பிரச்சனை என்று என்னிடம் கேட்டார்.  நான் அவரிடம் என்னுடைய இக்கட்டான சூழ்நிலையை பற்றி சொன்னேன். அவர் என்னை அமைதிப்படுத்தி, கவலைப்படாதீர்கள் உங்களை நான் ஐந்து நிமிடத்தில் டெர்மினல் 3க்கு அழைத்துச் செல்ல முடியும் என்று சொன்னார். அவர் எங்களை அவசரகால சூழ்நிலைகளில் மட்டுமே பயன்படுத்தப்படும் ஒரு குறுக்கு வழியில் அவரஅழைத்துச் சென்றார். அந்த வழியில் 7 நிமிடங்களில் நாங்கள் மும்பைக்கு திரும்பும் விமானத்தின் கவுன்டரில் இருந்தோம். நான் செக்-இன்யை முடித்த பிறகு அவருக்கு நன்றி சொல்ல அவரை தேடினேன். அவரை எங்கும் காணவில்லை. இந்த சம்பவம் நடந்தது இந்தியாவில் அல்ல அமெரிக்காவில். எப்பொழுதெல்லாம் எனக்கு பிரச்சனை ஏற்படுகிறதோ அப்பொழுதெல்லாம் ஹனுமான் சாலீஸாவைப் நம்பிக்கையுடன் சொல்லி அனுமனை வேண்டும் போதெல்லாம் அவர் என்னை அனைத்து வித பிரச்சனைகள் இடமிருந்தும் காப்பாற்றியுள்ளார். நான் தினமும் படிக்கும் ஹனுமான் சாலிசா என்னையும் என் குடும்பத்தையும் காக்கும் ஒரு கவசமாக இருக்கிறது. நினைத்தவுடன் வந்து காப்பாற்றும் அனுமனுக்கு என்னுடைய மற்றும் என் குடும்பத்தின் உடைய நன்றியும் வணக்கங்களும்.

Dhiraj Kakad, works at Business

 Sep 14, 2018 

https://www.quora.com இருந்து மொழிபெயர்க்கப்பட்டது.