சாய் பக்தர்களின் அனுபவங்கள் -18

பல வருடமாக தோல் நோயால் அவதிப்பட்டு இருந்த என்னை குணமாக்கினார்

இந்தியாவைச் சேர்ந்த சாய் சகோதரர் சஞ்சீவ் கூறுகிறார்: நான் பாபா பக்தன். பாபா என் வாழ்க்கையில் எல்லா உயர்வுகளிலும் என்னுடன் இருந்திருக்கிறார். எனக்கு 57 வயது.  சாயியின் கிருபையால் இரண்டு மகள்கள் , அவர்கள் திருமணம் செய்துகொண்ட அவர்களின் வாழ்க்கைத் துணைவர்களும் சாய் பக்தர்கள். நான் எனது 30 வயதில் இருந்தபோது, ​​நான் முழங்காலில் சொரியாஸிஸ் என்னும் மிக கொடிய தோல் அரிப்பு நோயால் அவதிப்பட்டேன். இந்த நோய் பின் நாளில் மிகவும் பரவியது, அது என் முழங்கால்கள் முழுவதும் மிகவும் அசிங்கமான தோற்றத்தைக் கொடுத்து, என்னை எப்போதும் நமைச்சலடையச் செய்தது. நான் அனைத்து தோல் மருத்துவர்களிடமும் காண்பித்தேன். எல்லா வகையான மருந்துகளையும் முயற்சித்தேன், ஆனால் ஒரு நிவாரணம் கூட இல்லை. நான் நடுவில் பாபாவை வணங்கவில்லை. பின்னர் 2010 இல், என் மூத்த மகள் இங்கிலாந்திலிருந்து இந்தியாவுக்கு விஜயம் செய்தாள், அவள் விரும்பிய முதல் விஷயம், எங்களுடன் ஷீர்டி செல்வது. இது எங்கள் குடும்பத்திற்கான முதல் ஷீர்டி பயணம். ஆர்த்திக்கான வரிசையில் முதல் நபராக நாங்கள் ககாத் ஆர்த்தியில் கலந்து கொண்டோம். இது எங்களுக்கு நல்ல உணர்வைக் கொடுத்தது . பின்னர் பிற்பகலில் நான் பாபா உட்கார்ந்திருந்த வேப்ப மரத்தின் நிழலில் அமர்ந்திருந்தேன், "பாபா இந்த நோய் என் மரணத்தின் போது மட்டுமே போகும் என்று நான் நினைக்கிறேன்" என்று பாபாவை ஜெபித்தேன்.  3 வது நாளில், ஷிர்டியிலிருந்து வந்த பிறகு நான் என் இரு முழங்கால்களும் இப்பொழுதெல்லாம் அரிப்பதில்லை  என்பதை உணர்ந்தேன். என் முழங்கால்களைப் பார்க்க என் கால்சட்டையை மேலே இழுத்தேன். நோய் முழுமையாக குணமடைந்து இருந்தது. என் முழங்கால்களின் தோல்களில் பல வருடங்களுக்கு பின்பு எல்லோரையும் போல் சாதாரணமாக இருந்தது . நான் அதை என் குடும்பத்தினருக்குக் காட்டினேன். சாய் என்னுடைய பல வருட நோயை முழுமையாக குணமாக்கிய குணமாக்கிய அந்த அற்புதத்தை என்றும் மறக்க இயலாது அவரின் பாதம் பணிந்து வணங்குகிறேன்.