இந்தியாவைச் சேர்ந்த ஷீர்டி சாய் பக்தர் ஸ்ரேயாஜி கூறுகிறார்: ஓம் சாய் ராம்! நான் இந்தியாவில் வசிக்கும் பக்தர். சில வாரங்களாக பாபா செய்த ஆசீர்வாதங்களையும் அற்புதங்களையும் எழுதுவது பற்றி நான் யோசித்து வருகிறேன். எனக்கு நம்பிக்கை ஏற்படுத்தி என்னை மகாபாராயணில் இணைத்த என் மாமியாருக்கு மிக்க நன்றி. அவர்களும் தீவிர பக்தர் மற்றும் மகாபாராயணத்தில் நானும் அதில் ஒரு பகுதியாக இருக்க வேண்டும் என்று வலியுறுத்தினார்.
முதலில் நான் சாய் சத்சரித்ராவை சும்மா புரட்டிப் பார்த்தேன், பிறகு ஒழுங்கற்ற இடைவெளியிலும் படிக்க ஆரம்பித்தேன். என் வாழ்வில் ஏற்படும் சிக்கல்களுக்கு, அத்தியாயங்களைப் படித்ததும், பிரச்சினைகளுக்குத் தீர்வுகள் கிடைத்தன என்பதைகாலப்போக்கில் உணர்ந்தேன் .கடந்த ஆண்டு, பெங்களூரில் வேலை தேடுவது மிகவும் கடினமாக இருந்தது. எனக்கு திருமணம் ஆகி, என் கணவர் பெங்களூரில் வேலையில் சேர்ந்து ஒரு வருடம் ஆகிறது. நானும் பெங்களூரில் வேலை செய்ய ஆசைப்பட்டேன். பெங்களூரு ஐ.டி மையமாக இருந்ததால், வேலைகள் ஏராளமாக இருந்தன, ஆனால் எனக்கு வேலை கிடைக்கவில்லை. அல்லது சில சுற்றுகளுக்குப் பிறகு தோல்வியடைவேன். நான் பாபாவிடம் ஆர்வத்துடன் பிரார்த்தனை செய்தேன், கடைசியாக எனது முந்தைய வேலையைப் போன்றே, ஒரு வேலைக்காக பெங்களூரில் எனக்கு வேலை கிடைத்தது. குறுகிய அறிவிப்பில் எனது புதிய நிறுவனத்தில் சேர வேண்டியிருந்ததால் நான் சாயிடம் மனதார ஜெபம் செய்தேன். அதிசயமாக, எனது தற்போதைய முதலாளி (வழக்கமாக முன்னர் பணியாளர்களை விடுவிக்க ஒப்புக் கொள்ளாதவர்) புதிய அமைப்பில் சேர உடனடியாக பழைய வேலையில் இருந்து விடுவிக்க ஒப்புக்கொண்டார். சாயின் ஆசீர்வாதத்தால், எனக்கு வேலை கிடைத்தது, பெங்களூரில் குடியேற முடிந்தது. ஆனால் மற்றொரு தடை வந்தது, அங்கு அவர்கள் வேலை செய்யும் இடத்தை நான் சேர்ந்த பிறகு மாற்றிவிட்டனர். அது தூரமாக இருந்ததால் எனக்கு வசதி படவில்லை. எனவே மீண்டும் நேர்காணல்களில் கலந்து கொள்ளத் தொடங்கினேன், 12 நேர்காணல்களுக்குப் பிறகு மிகவும் சோர்வு அடைந்தேன்.
என்னுடைய உள்ளுணர்வு என்னை இங்குள்ள அருகிலுள்ள பாபா கோயிலுக்குச் செல்லச் செய்தது. ஆரத்தி நேரத்தில் நான் சரியாகச் சென்றேன், என் பிரச்சினைகளை அவரிடம் சொன்ன பிறகு நான் நிம்மதியாக உணர்ந்தேன். அடுத்த வியாழக்கிழமை ஒரு நல்ல உறுதியான சிந்தனையில் நான் ஒரு வேலைக்கு விண்ணப்பித்தேன், எப்படியிருந்தாலும் எனது வேலைத் தகுதிக்கு அது பொருந்தாததால் எனக்கு ஒருபோதும் அழைப்பு வராது என நினைத்தேன். பின்னர் எனது மகாபாராயண் அத்தியாயங்களைப் படித்து எனது புத்தகத்தை மூடினேன். ஐந்து நிமிடங்களுக்குள், அதே நிறுவனத்தின் தேர்வாளரிடமிருந்து, வெள்ளிக்கிழமை அன்று நேர்காணலுக்கு அழைப்பு வந்தது. அவர்களின் நேர்காணல்களில் வெற்றி பெறுவது மிகவும் கடினம், என் முதல் சுற்றில் வெற்றி பெறு பாபா எனக்கு உதவினார். இன்னும் 7 சுற்றுகள் இருந்தன. அந்த ஞாயிற்றுக்கிழமை, நான் மீண்டும் கோவிலுக்குச் சென்றேன், ஆரத்தியின் போது அவருக்கு முன்னால் அமர்ந்தேன். என்னையறியாமல் அவரிடம் ஜெபிக்கும்போது என் கண்களில் கண்ணீர் வழிந்தது. நிறுவனம் எதிர்பார்க்கும் எந்த அனுபவமும் எனக்கு இல்லை. ஆனால் எப்படியாவது எனக்கு உதவுமாறு பாபாவிடம் சொன்னேன். எனக்கு சரியான அனுபவம் இல்லை என்றாலும் , அவர்கள் எனக்கு வேலை கொடுத்தது ஆச்சரியமாக இருந்தது. நான் அனைத்து சுற்று நேர்காணல்களிலும் வெற்றி பெற்றேன். நான் விண்ணப்பித்த பதவியை விட மூத்த பதவியையும், நான் எதிர்பார்த்ததை விட அதிக சம்பளத்தையும் அவர்கள் எனக்கு வழங்கினர்.
இதற்கிடையில், முன்பு என்னை நிராகரித்த மற்றொரு நிறுவனத்திடமிருந்தும் எனக்குக்கு வேலை கிடைத்தது.அவர் என் மீது கருணை காட்டியதற்கு நான் என்னை பாக்கியவானாகவும் அதிர்ஷ்டசாலியாகவும் கருதுகிறேன். நான் இவ்வளவு தகுதியுள்ளவனா என்று எனக்குத் தெரியவில்லை. நான் அவருக்கு மிகவும் நன்றியுள்ளவளாக இருக்கிறேன். எனக்கு எந்த அனுபவமும் இல்லாத புதிய பாதையில் என் கையைப் பிடித்து அவர் என்னை வழிநடத்துவார் என்று நான் நம்புகிறேன். அவருடைய சக்தி பிரபஞ்சத்தில் உள்ளது என்பதை நான் உங்களுக்குச் சொல்ல விரும்புகிறேன். உங்கள் முழு இருதயத்தோடு அவரை நம்புங்கள், அவர் உங்களுக்கு உதவுவார்.
ஓம் சாய் ராம்
ஸ்ரேயா
October 29, 2019
https://experiences.mahaparayan.com இருந்து மொழிபெயர்க்கப்பட்டது
Comments
Post a Comment